Безживотно тело попладнево околу 14 часот било пронајдено во водите на Охридското Езеро, пред плажа на Градскиот кеј во Охрид.
Информацијата за Телма ja потврди портпаролот на СВР Охрид, Стефан Димоски, кој кажа дека на телото не се забележани траги на насилство.
– Во моментов не можеме да дадеме точни информации, бидејќи телото ќе биде предадено на обдукција, повеќе информации ќе има утре. Местото е обезбедено и се спроведува истрага за утврдување на причините и околностите за трагичниот настан –изјави за Телма Димоски.
Екипа од Службата за итна медицинска помош интервенирала на местото на настанот, која, по пристигнувањето, само можела да ја констатира смртта.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.