Ер тракторите почнаа интензивно да го гаснат пожарот на Серта во штипскиот дел.
Воздушната поддршка која се бараше од пожарникарите и општината од денеска и почна на две локации над селата Селце и Драгоево и на ридот Штракалево кон полигонот Пенуш.
Огнените стихии се на непристапни планински терени и во долови.
На повеќе локации во земјва има пожари и тоа на непристапни терен длабоко во планините. Хеликоптери, ер трактори, авиони од странство помагаат на нашата земја во гаснењето на огнените стихии. Од воздух се гасне и пожарот во неготинскиот дел на планината Серта.
Помош пристигна од Словенија, Хрватска, Црна Гора, Србија и Романија. На терен се и пожарникарите, 100 припадници на Армијата и 30 припадници на полицијата.
Авионот од Романија пред неколку години го видовме и во гаснењето на пожарите во Малешевијата, овој авион водни бомби ќе фрла и ќе делува на пожарот на Солунска глава.
Викторија Јованова