Судскиот совет со ништо не е поврзан со изборите и може да продолжат постапките за избор и одговорност на судии, истакна во вечерашната Топ Тема, Саше Димовски, новинар.
Тој рече дека членовите на судскиот совет станаа „самораспуштеници“ и дека направија нешто што никој не го бараше од нив.
„Во дел од тие постапки може да настане сериозна штета поради однесување на некои од тие судии и искрено ги прашувам овие членови на Судскиот совет кои станаа и ја напуштија седницата, кој утре ќе ја надомести таквата штета. Да заклучам Судскиот совет мора да продолжи да работи и не може да го чекаме до септември за тие да се вратат и да ги спроведат постапките. Во исто време можат да ги направат и постапките за оценување во овој период, а се согласувам дека можеби изборот, односно дисциплинската постапка кога станува збор за разрешување да ја направат до септември, меѓутоа која ни е гаранцијата дека ние и овој пат би имале успешни избори“, рече во вечерашната Топ Тема, Саше Димовски, новинар.