Центарот за заедничка основа (ЦЗО) во соработка со Националниот комитет за спречување на насилен екстремизам и борба против тероризам го промовираа филмот „Скршени синџири: враќање по ИСИС“ за повратниците од оваа организација во Македонија. Ова е прв филм од ваков вид кој прикажува вистински приказни на две жени повратнички од Сирија и нивното патување во својот роден крај. Сега тие и нивните деца се успешно интегрирани во нашето општество.
Филмот на режисерката Сибел Абдиу е дел од медиумската кампања спроведена на национално и локално ниво за да се подигне јавната свест, но и да се покрене превенција против насилството и прифаќањето на овие луѓе.
Филмот е направен во рамките на проектот „Градење отпорни и инклузивни заедници“ финансиран од Глобалниот фонд за ангажираност и отпорност на заедниците (GCERF).