Дарувањето орган е сложен процес, вели доктор Маја Мојсова Мијовска во вечерашната емисија Вн Вин. Објаснува дека потребно е да се создадат многу услови во земјава за да бидеме на маргините од светското органо-дарителство, но предлага иницијатива државата да склучи некакви билатерални договори со земјите од регионот, со што би си помагале.
- Можно е да се направи некаков БАЛКАН-ТРАНСПЛАНТ, поточно ние од регионот со билатерални договори кои не се тешки, за некогаш кога нас ќе ни треба орган можеби некоја земја ќе ни овозможи и ќе ни даде некој орган. Секоја земја примарно го нуди органот во својата земја, но ако нема соодветен примател, може да го понуди на земјата со која има договор. На пример, Грција соработува со Итралија, Бугарија со Романија. Тоа не може сам човек да го работи, јас не можам да се јавам на телефон и да нудам органи, ова не е пазар. Но може да се обидеме да биде срочено во правна рамка, некој договор со соседите со што би се зголемиле шансите за некој да добие орган, вели д-р Мојсова.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.