Во поплавите во Кина загинаа 33 лица, а 18 се водат како исчезнати

Кинеските власти објавија дека 33 лица загинале, а 18 се водат како исчезнати од силните поплави во Пекинг минатата недела.

Во најтешко погодениот Ментугу, област во западната периферија на Пекинг, екстремните врнежи од дожд и поплави погодија 310 илјади жители и оштетија речиси 35.000 куќи, според брифингот за печатот одржан во средата.

Официјалните лица рекоа дека катастрофата ја предизвикала најтешката штета забележана во историјата во областа.

Пекинг ги забележа најсилните врнежи во последните 140 години откако остатоците од тајфунот Доксури го поплавија регионот.