Холивудските продукции и промотивните турнеи се ставени во мирување на неодредено – додека актерите им се придружуваат на писателите во историскиот двоен штрајк. Со свирежи од автомобили во знак на солидарност им се придружија пред паркот Парамаунт Пикчрс во Лос Анџелес.
Претседателот на Алијансата на филмски и телевизиски продуценти, Фран Дрешер порача силата секогаш е во бројките.
Извршниот директор на Дизни, Боб Игер, предизвика револт кај актерите и писателите по изјава дека синдикалните барања се нереални.
Дел од лицата кои излегоа на протест држеа транспаренти адресирани токму до него. Медиумите се повикуваат и на други изјави според кои се тврди дека планот на студијата бил да чекаат писателите да штрајкуваат додека не ги загубат своите домови поради финансиски оптоварувања, а комичарот и сценарист Кит Лукас, номиниран за Оскар за ко-сценарио на „Јуда и црниот Месија“, ваквите забелешките ги нарече „потресни“ и „безобразни“.
