Стигнаа првите реакции од познавачите околу изјавата на премиерот Мицкоски кој кажа дека сериозни се размислува да се воведат дополнителни даноци за немажени и неженете. Според, финансискиот аналитичар Бранимир Јовановиќ, тоа не смее да се случи. Има други механизми како да се задржат младите во земјава и да се подобри состојбата со наталитетот и со склучувањето бракови.
„Знам само за два примери во историјата, кога имало вакви даноци. Првиот пример е во фашистичка Италија, Мусолини воведе таков данок и вториот пример е Сталин. Така што мислам дека тоа говори доволно и кажува се за оваа мерка. И мислам дека наместо да даваат вакви генијални изјави, од Владата односно премиерот треба навистина да се запраша зошто луѓето си заминуваат од државата, и зошто луѓето кои што остануваат таму немаат деца“, вели Јовановиќ.
Јовановиќ потенцира дека државата подобро е да се насочи кон проблемите со ниските плати, скапотијата, кон поодбрување на образованието, кон решавање на проблемите со загадениот воздрух, односно кон сите оние основни работи кои му значат на обичниот човек во оваа земја.
„Она што најмногу придонесува за тоа луѓето да имаат повеќе деца или да не се иселуваат од змејата, е подобрување на квалитетот на живот. Ако имате лош квалитет на живот ако никој не сака да живее во таа држава, ако имате ниски плати, се е скапо, не може да купите стан, не можете да отидете на доктор да се лечите, здравството колабира, треба пари да го пратите детето во градинка, како можете да очекувате вие во таква ситуацијата луѓето да имаат деца и да остануваат во државата. на тоа треба да се фокусираат напорите и мерките“, нагласи Јовановиќ.
