Според проценетите трошоци самитот на НАТО идната недела во Хаг е најскапиот досега, односно тошоците изнесуваат 183,4 милиони евра. Врз основа на времето во кое светските лидери ќе се сретнат, според холандскиот весник „AД“ трошоците за самитот ќе изнесуваат нешто повеќе од милион евра по минута.
Според најавите светските лидери ќе одржат формален „Северноатлантски совет на ниво на шефови на држави и влади“ на Светскиот форум во Хаг идната среда во 10:30 часот.
Предвидено е состанокот да трае 2,5 часа, а генералниот секретар на НАТО, Марк Руте ќе одржи завршна прес-конференција во 14 часот, објави „НЛ Тајмс“.
Руте се одлучи за само еден состанок поради „темпераментот“ на претседателот на Соединетите Американски Држави, Доналд Трамп, изјавија извори од НАТО за весникот.
Тоа го прави овој самит најскап досега, кога ќе се земе предвид времето што лидерите всушност ќе го поминат на состанокот, но е исто така меѓу најскапите во апсолутни износи.