Кина евакуираше повеќе од 1.600 свои државјани од Иран и стотици од Израел, изјави портпарол на кинеското Министерство за надворешни работи, додека евакуираните ги блокираат граничните премини поради интензивирањето на конфликтот меѓу двете земји.
Напорите за евакуација продолжуваат и Кина одржува комуникација со Иран, Израел, Египет и Оман. Кина ги повикува завојуваните страни, особено Израел, веднаш да прекинат со огнот“, изјави портпаролот Гуо Џиакун на редовната прес-конференција.
Кинеската амбасада во Иран ги обнови повиците до граѓаните да ја напуштат земјата по копно, истовремено предупредувајќи ги луѓето за подолго време на обработка на барањата за имиграција, бидејќи се создава метеж на два гранични контролни пунктови – Астара на патот кон Азербејџан и Баџгиран на патот кон Туркменистан. Овие гранични премини се оддалечени 490 км и 910 км од Техеран. Кинеските граѓани можат да го напуштат Иран и преку Турција, Ерменија и Ирак, соопшти амбасадата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.