Венко Крстевски е избран за нов градоначалник на Кочани по оставката на Љупчо Папазов. На денешната седница на Советот на Општина Кочани со 9 гласови „ЗА“ и еден „ВОЗДРЖАН“ за в.д градоначалник го изгласа Крстевски.
Гласањето се одвиваше во два круга, во двата резултатот беше идентичен, Крстевски доби 9 гласови „ЗА“, а неговиот противкандидат од ВМРО-ДПМНЕ, Гоце Марковски доби 8 гласови „ЗА“.
„Јас ќе бидам мост помеѓу народот и помеѓу институциите. Фокусот ќе ми биде на младите, бидејќи младите се движечка сила којашто треба го изградат нашиот град. Одиме напред со чесна и ефикасна работа за Кочани да биде поубаво место за живеење, се со цел да ја надминеме оваа апатија и агонија која се наоѓа во градот. Ги повикувам сите млади со креативни идеи и проекти, бидејќи кабинетот на градоначалникот секогаш ќе биде отворен за нив“ порача новоизбраниот градоначалмик Венко Крстевски.
По гласањето советниците му порачаа на Крстевски „памет во глава“, а истиот истакна дека е отворен за соработка со сите политички партии и пред се со сите граѓани.