Обвинителството соопшти дека пред Кривичниот суд во скопскиот кривичен суд поднело жалба за куќниот притвор кој му е определен на Асмир Јахоски, сопственикот на Пуцко петрол и син на пратеникот на ДУИ, Исмаил Јахоски.
Јахоски беше приведен во акцијата за злоупотребите со милионските набавки на мазут за ТЕЦ Неготино,но судот наместо затворски му определи куќен притвор, a oбвинителството е децидно дека нивните аргументи за затворсkи притвор треба да се прифатат.
Незадоволно од ваквата одлука Основното јавно обвинителство за гонење на организиран криминал и корупција во законски утврдениот рок до Кривичниот совет при Основниот кривичен суд – Скопје поднесе жалба поради суштествена повреда на одредбите од кривичната постапка и побара Кривичниот совет да ги преиспита фактите содржани во жалбата, како и решавачките факти врз основа на кои е донесено обжаленото Решение, се вели во соопштението на ојо гокк.
Премиерот Христијан Мицкоски и натаму обвинува обвинител за шокантно однесување при истрагата за злоупотреби со набавките вредни над 160 милиони евра. Вели дека тој обвинител е партиски измеќар, но не го именува.
Од обвинителството нема официјален одговор на коментарите на премиерот. Во тек се се уште истражни дејствија, а обвинителството утврдува и имот на осомничените и нивните фирми за да побара и мерка за замрзнување на имотот во случај на конфискација.
Со истрагата се опфатени Ратко Капушевски и Ерџан Сулкоски, сопственици на РКМ, Јахоски, екс директорот на ЕСМ, Васко Ковачевски, поранешениот секторски директор во ЕСМ Ардиан Муча, како и уште 8 други лица кои учествувале во спроведувањето на набавките.
ЕСМ во периодот меѓу 2021-ва и 2023-та за ТЕЦ Неготино купи над 160 милиони евра мазут. Со истрагата е оспорен начинот на распишување на јавните набавки и има сомнежи за перење пари добиени преку мазутот.
Миомир Серафиновиќ