Просечната нето плата во декември била 43.587 денари, пресмета и објави Државниот Завод за статистика. Ова е првпат месечната нето плата да ја пробие границата од 43 илјади денари.
Во однос на претходниот месец ноември 2024-та, просечната нето плата е зголемена за 1 588 денари или за 3,8%.
Во однос на декември 2023-та, просечната нето плата се покачила за 9%, додека реалната плата е покачена за 4,4%.
Највисока нето плата е исплатена во воздухопловниот транспорт каде месечниот просек е 136.702 денари или околу 2.200 евра.
Најниска месечна плата добиле вработените во заштитни и истражни дејности во секторот помошни услужни дејности и таа изнесува 25.669, односно за 50 евра повеќе од минималната плата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.