Македонската женска репрезентација на Светското првенство за јуниорки што се одржува во Скопје настапот го заврши на 16. позиција.
Во последиот настап на Мундијалот, Македонија попладнево е совладана од Кина со 25:23.
Најефикасна во нашиот тим со 11 гола беше Емилијана Ризоска, а по три пати во листата на стрелците се запишаа Ива Младеновска и Јана Равојска.
Во победничката екипа прв стрелец со шест погодоци беше Хонг Јан Жуанг додека по пет постигнаа Шеудан Лиу и Чанг Кинг Ху.
Претходно во битката за 13. позиција, Египет триумфираше над Јужна Кореа со 29:23. Вечерва на програмата се полуфиналните натпревари во кои се среќаваат Холандија – Унгарија и Франција – Данска.
ФОТО: Игор Паневски