По неколку театарски претстави годишно, концерти се поретко, а кино сали воопшто и нема. Жителите на Тетово немаат голем избор кога се работи за настани од култура, а за младите остануваат само кафулињата.
Нема кино, ретко кога има театарски претстави, сепак на Тетово му преостануваат само кафулињата, а тоа не помага многу на младите луѓе и сметам дека културата треба да се подигне на повисоко ниво, велат жителите.
Во изминатите 4 дена невладината Центар за балканска соработка Лoja по 13-ти пат го организираше интернационалниот филмски фестивал „Watch out“ со проекции на отворено, во амфитеатарот на Музејот на КПМ.
Според интересот на посетителите, организаторите велат дека на градот му треба кино, но и повеќе културни настани, а има неколку локации кои можат да се искористат.
Инаку, во Тетово освен Центарот за култура, треба да започне со работа и новиот Театар и библиотека, чие пуштање во употреба беше одложувано во неколку наврати, така што сѐ уште се работи на негово опремување.
Данијела Билбилоска