Попладнево од Турција до Скопје беше изведен меѓународен транспорт со медицинскиот хеликоптер, кој околу 17 часот слета на хелиодромот во Болницата „8 Септември“ со млада пациентка.
Транспортот беше изврешен на барање на семејството, а 23 годишната девојка ќе го продолжи лекувањето во болниците во земјава, откако во Истанбул имале неколку неврохируршки интервенции на главата.
Третманот Беше повеќемесечен во болницата во Истанбул. Таа е префрелена во Скопје на бaрање на семејството за понатамошен постоперативен третман, рече директорот на ГОБ 8 Септември, Христијан Костов.
Ова е петти меѓународен транспорт на медицинскиот хеликоптер.
Начинот на барање на медицинскиот хеликоптер е преку бројот 112, односно преку ЦУК, каде се поднесува таа пријава. Досега хеликоптерот се користи од нашата држава кон европските болници, или пак обратно кон нашите болници, вели Костов.
Медикоптерот е опремен со медицинска опрема за итен транспорт на високоризични пациенти, а беше ставен во функција минатата година.
Емилија Мисирлиевска