Со иновативен артистички пристап и отворање на изложбата „Поместени граници“, Друштвото на ликовни уметници на Македонија (ДЛУМ) го промовираше новиот простор. Нов дом и ново поглавје за ДЛУМ на булевар „Илинден“ бр. 63 по повеќе од 77 години, доколку се земе предвид дека и покрај тоа што е најстарото здружение во оваа област, немаа свој простор и беа на некој начин кираџии.
Концептот на „Поместени граници“ во кој ликовните уметници ги истражуваат различните конотации на границите, без разлика дали се физички, дали, реални, политички, дали емотивни и имагинарни е мултидисциплинарен и интердисциплинарен пристап кој ги надминува традиционалните граници, но и еден сосема поинаков пристап како може да ги видите делата во оваа изложба, низ стратешко поставување на QR-кодови низ просторот преку кои ќе се претстават делата на уметниците.
Дизајнот на креативата на проектот е дело на Христијан Санев, како и основната идеја на годинешната изложба.
Нина Стефанова
