Глаукомот е втора причина за слепило на светско ниво, на прво место е катарктата , порачаа офтамолозите кои минатата недела се вклучија во бесплатниот скрининг на населението за мерење на очниот притисок.
Раководителот на катедрата за офтамологија при Факултетот за медицински науки при УГД-Штип, Страхил Газепов истакна дека оваа болест е подмолна и затоа е потребно граѓаните да си прават превентивни прегледи.
Лекарите забележуваат дека очниот притисок има генетска компонента, но и модерниот начин на живот, кој носи стрес, како и немање на доволна физичка активности придонесуваат за појава на глаукомот.
Офтамолозите во рамките на Неделата на борба против очниот притисок порачаа дека скринингот е со цел во почетна фаза да се открие очниот притисок, со соодветна терапија да се одржи нормална тензија во окото и да не се изгуби видот кај пациентот.
Викторија Димитрова Јованова