Дали важноста на личните документи на 100 илјади граѓани им истекува до 24-ти јули? Дали има и такви граѓани чии пасоши или лични карти на денот на гласањето ќе бидат неважечки повеќе од 9 месеци? Вакви прашања поставува техничкиот премиер Талат Џафери, уверен дека вчерашното решение на Собранието води кон нова селективност. Тој смета дека, доколку се дава можност за гласање со документи со истечена важност, тоа треба да биде општа формулација без прецизирање со месеци.
Вчера, во скратена постапка, без дискусија и за еден ден, Собранието ги донесе измените на Изборниот законик. По предлог на пратеници од СДСМ, ВМРО-ДПМНЕ, ДУИ и Алијанса, се овозможува гласање и на оние граѓани чии документи ја изгубиле важноста 9 месеци пред денот на изборите. Не се прецизира дали станува збор за датумот на претседателските или на парламентарните избори. МВР се сомнева дека станува збор за околу 100 илјади лица со право на глас.
Соња Николовска