Меѓународниот аеродром Скопје лани забележал близу 2,9 милиони патници, што го прави петти најпрометен во регионот. Од аеродромите во земјите од поранешна Југославија, најмногу патници во 2023 година имал белградскиот, втор е аеродромот во Загреб, на трето место е аеродромот во Приштина, а четврти е Сплитскиот аеродром.
Во 2023 година, Скопје првпат го престигна традиционално попрометниот Дубровник, додека Подгорица го надмина Сараево, а Љубљана – Задар.
Повеќе од половина од аеродромите лани забалежале најпрометна година досега, а дел сè уште се под нивото на превезени патници во однос на периодот пред ковид пандемијата.
Последниот инцидент во М-НАВ од 4 јануари фрли сенка врз функционирањето, а реагираа и дел од амбасадите во земјава. Реакција стигна и од НАТО алијансата од каде се интересирале дали е безбедно нивните авиони да вршат прелети над македонското небо, бидејќи во моментот кога физички беше нападнат контролор во контролната кула над земјава прелетувале два нивни авиони.
