Од Управата за јавни приходи (УЈП) за Телма информираат дека нема застој во системот за плати и истиот функционира непречено.
„Со цел да се избегнат гужвите и да се овозможи да се обработат и исплатат декемвриските плати во последните неколку дена од месецов, вчера и денеска вработените во РД Скопје работат до 19 часот и ги примаат пресметките за МПИН со што се овозможува сите работодавачи кои имаат подготвени пресметки, истите да ги достават и исплатат плата за вработените“, велат од УЈП.
Оттаму додаваат дека од вкупно 64.900 очекувани МПИН пресметки, до сега прифатени се 39.090, а според статистиката, од почетокот на оваа работна недела, системот на дневна основа обработувал во просек од над 5.500 пресметки за МПИН.
„Постојат периоди каде поради поднесување на исти образци и по неколку пати, се создава мал застој во обработката на МПИН пресметките, но системот непречено функционира, истиот не е во застој и ги обработува пресметките како што се испратени на е- пошта[email protected]“, додаваат од УЈП.
