Познати се двојките за првата елиминациска рунда во Конференциската Лига.
Загрепски Динамо за кој настапуваат нашите интернационалци Аријан Адеми и Стефан Ристовски на стартот од следната фаза во третото по ранг клупско натпреварување во Европа ќе се соочат со Бетис, кој е и домаќин на првиот дуел.
Олимпијакос за противник го доби Ференцварош, Сервет ќе се соочи со Лудогорец, Унион Сен Жилоа се среќава со Ајнтрахт Франкфурт додека Ајакс ќе игра со Бодо/Глимт.
Во последните двојки од баражот за влез во осминафиналето Молде ќе се соочи со Легија Варшава, а Макаби Хаифа игра против Гент.
Директен пласман меѓу шеснаесетте најдобри како освојувачи на првите позиции во фазата по групи обезбедија Астон Вила, Бриж, Фенербахче, Фиорентина, Лил, Макаби Тел Авив, ПАОК и Викторија Плзен.
Првите мечеви од разигрувањето за влез во осминафиналето од Конференциската лига се играат на 15 февруари следната година, а реваншите се на програмата седум дена подоцна.