Двајцата пациенти заразени со конго-кримска хеморагична треска се стабилни. Лекарите велат дека најкритичната фаза од болеста кај нив поминала и не се очекува влошување на нивната состојба, информираат од Министерството за здравство.
Што се однесува до ризичните и помалку ризичните контакти со заразените, нема други суспектни случаи ниту пак кај некои од контактите е потврдено присуство на конго-кримска треска.
На граѓаните им се препорачува со облека да ги покријат рацете, нозете, како и вратот и главата. Да носат посветла облека за лесно да се забележи крлежот и да ја испрскаат облеката со спреј на база на синтетски пире-троид. По престој во природа да се направи детална проверка, посебно на главата, вратот и пределот зад ушите, особено кај децата.