ЕУ направи уште едно усогласување и проширување на санкциите за Белорусија согласно политиките кон Русија со цел да ја спречи Москва од можноста да ги заобиколи мерките преку таканаречените трети земји, соопшти Европската комисија.
Со новите санкции се проширува забраната за извоз во Белорусија на голем број високочувствителни стоки и технологии кои придонесуваат за воениот и технолошкиот напредок на земјата.
Советот на ЕУ воведува и дополнителна забрана за извоз на огнено оружје и муниција, како и на стоки и технологија погодни за употреба во воздухопловната и вселенската индустрија.
Европската комисија ја поздрави одлуката на Советот на ЕУ и нагласи дека овие рестриктивни мерки се забрзани со оглед на итноста поврзана со борбата против заобиколувањето на одредени високо чувствителни стоки и технологии.
