Претседателот на Србија Александар Вучиќ вети предвремени парламентарни избори, во очигледен обид да ги смири големите протести против неговото популистичко владеење по двете масовни престрелки што ја потресоа нацијата.
Во обраќањето до јавноста, тој рече дека изборите ќе се одржат „до крајот на оваа година“. Тој додаде и дека нема да има преодна влада, затоа што тоа ја бара неговата одлука, а таква одлука како што посочи нема намера да донесе.
Повеќето од опозициските партии одбија да се одржат избори, додека Вучиќ цврсто ги контролира сите центри на моќта, вклучително и главните медиуми. Според Вучиќ демонстрантите кои излегуваат на протести изминатиот период ги користат масовните престрелки за да дојдат на власт без избори.
Опозициските демонстранти бараат оставки од високи владини функционери и одземање на дозволите за емитување на две провладини телевизиски мрежи кои, како што велат, промовираат насилство и личности поврзани со криминалот во земјата.
