Шефот на Меѓународната агенција за атомска енергија (ИАЕА), Рафаел Гроси денеска изјави дека уништувањето на браната Каховка, на југот на Украина, не претставува краткорочна опасност за нуклеарната централа Запорожје.
Меѓутоа, тој нагласи дека ситуацијата ја влошува и онака тешката и непредвидлива безбедносна состојба.
Акумулацијата на Каховка обезбедува вода што се користи за основно ладење на шесте реактори во најголемата европска нуклеарка.
Гроси, сепак, даде до знаење дека постојат низа на алтернативни извори на вода, вклучувајќи го и големото езеро за ладење покрај локацијата кое е дизајнирано да остане над висината на резервиарот, додавајќи дека е од витално значење тој извор на вода да остане недопрен.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.