Дали опозициската републиканска партија треба да побара оставка од Кемал Киличдароглу, или да му се даде уште време е прашање кое се појави по уште еден пораз кој го претрпе од Ердоган и неговата Партија на правдата и развојот. Социологот Ѓулен Аксу Туркер, во разговор за Телма вели дека треба да се побара оставка од него, истакнувајќи дека секоја промена не треба да биде сфаќана негативно, како што тоа се прави во Турција.
За жал тоа не важи за нашата земја. Политичарите немаат пракса да создаваат кадар кој ќе ги наследи на чело на партијата. Ова може да го видиме и кај другите партии пример Девлетбахчели. Секој говор му е полн со гафови и ароганција, но сѐ уште е на чело на партија. Граѓаните се веќе навикнати и воопшто не ја отвараат дебатата дали некој треба да си замине од чело на партијата. Ако ме прашувате лично, јас мислам дека треба да има смена и да дојде нов човек на местото на Киличдароглу, вели таа.
Во понатамошниот разговор се осврна и на тоа што може да ја очекува Турција во следните пет години, фокусирајќи се на лошата економска политика и инфлацијата.