Француската полиција употреби солзавец додека илјадници работници и активисти маршираа на едни од најголемите првомајски демонстрации во земјата во последните години. Во поддршка на француските синдикати се приклучија бројни меѓународни синдикални организации кои се мобилизираа против неодамнешната пензиска реформа на францускиот претседател Емануел Макрон со која се зголеми возрасната граница за пензионирање од 62 на 64 години.
За време на протестите во француската престолнина, полицијата уапси најмалку 22 лица, а инциденти се забележи и во Лион каде демонстранти искршија прозорци на банки и друг имот.
Под притисок на инфлацијата, но и за економска правда и поголеми плати, илјадниците граѓани излегоа на протест и во Мадрид. Низ цела Шпанија, пак, се одржуваат 70-тина протести во организација на најмоќните синдикати кои предупредија на „социјален конфликт“, доколку не дојде до зголемување на платите.
Додека работниците ширум светот протестираа за подобри работни услови, во Киев денеска е нормален работен ден, бидејќи враќа спомени од ерата која многу Украинци сакаат да бидат заборавени.
