Протест по трагичната железничка несреќа во Атина беше организиран од членови на синдикати, студентски здруженија како и од други граѓани со барање за одговорност за повисоки структури во железничката и државната администрација во Грција.
Демонстрантите се собраа пред седиштето на Грчки железници каде запалија свеќи и седеа на улицата, но потоа беа регистрирани неколку инциденти.
Дел од демонстрантите се судрија со полицијата, превртуваа и палеа контејнери по улиците на главниот грчки град и се движеа кон централниот плоштад Синтагма. Полицијата употреби солзавец и активираше единици за одржување на јавен ред и мир.
На видеата кои ги објавија грчките медиуми се гледа како автомобили минуваат покрај запалени контејнери и како интервенира полицијата.
