Телевизиско обраќање на рускиот претседател, Владимир Путин на денешен ден лани го промени светот. Руската армија, со поддршка од воздух и море, ја почна инвазијата врз Украина од неколку домашни правци, но и од Белорусија и покрај укажувањата на Советот на безбедност на ОН да не го чини тоа. Илјадници руски копнени сили продираа на украинска територија на што украинскиот претседател Володимир Зеленски одговори со објава на вонредна состојба, прекинување на дипломатските односи со Москва и најава за општа мобилизација.
Почетокот на воените дејствија упатуваше дека Русите ќе направат блицкриг, меѓутоа руската армија во моментот не го држи под контрола обемот на територија што ја имаше заземено во раните фази на војната. Украина спроведе контраофанзива во септември и успеа да врати дел од североисточната област оклу Харков и да ги принуди Русте на повлекување од Херсон. Одоговорот на Кремљ беше ракетирања и напади со дронови врз енергетската инфраструктура.
Година дена подоцна крајот на војната не е на повидок, и покрај острите санкции на владите ширум светот кон Русија и големата помош и поддршка во пари, оружје и муниција што ја испорачуваат за Киев. Загубени се илјадници човечки животи, над седум милиони луѓе се бегалци, предизвикана е економска криза, но сигнали за завршување на конфликтот нема.
Сашко Димовски
