Денеска се играат последните натпревари од вториот круг во завршната рунда од квалификациите за пласман на Светското кошаркарско првенство што ќе се одржи следната година.
Во мечот на вечерта Турција во арената Синан Ердем во Истанбул ја пречекува Србија, а почетокот е закажан за 19 часот. Домаќинот ќе се обиде да направи сензација откако во претходното коло е поразен од Летонија додека Србите посакуваат продолжување на победничката низа откако во петтото коло славеа над Грција.
Во останатите мечеви од И конкуренцијата се среќаваат Велика Британија – Летонија и Грција – Белгија.
Во Ј групата на програмата се дуелите Германија – Словенија, Израел – Шведска и Естонија – Финска.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.