Македонската машка кошаркарска репрезентација во вториот настап од претквалификациите за Европското првенство вечерва во Скопје потешко од очекувањата ја совладаа Словачка со 79:75.
Гостите водеа во најголемиот дел од натпреварот, а отпорот на противникот беше скршен во финишот кога успеавме да го преземеме водството и на крајот да стигнеме до толку посакуваната победа.
Најефикасен во нашиот тим со 20 поени беше Ненад Димитријевиќ кој додаде и седум асистенции, но имаше и шест загубени топки, а еден од клучните играчи за пресврт беше Андреј Јакимовски кој мечот го заврши со 15 поени и пет скока, двоцифрен учинок имаа и Војдан Стојановски со 15 и Стојан Ѓуроски со 12 поени.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.