Машката кошаркарска репрезентација на Македонија на стартот од претквалификациите за Европското првенство успеа да ја совлада Данска со 73:70 и прави голем чекор напред кон освојување на првото место во групата.
“Победата ја забораваме, што би се рекло, во секунда. Тоа веќе им го реков на играчите во соблекувалната, затоа што се ќе биде залудно, сиот овој труд вложен овде, ако не ја победиме Словачка во Скопје, славењето, макар и скромно, ќе биде во Нествед, и ќе биде доволно. Нè чека уште многу работа. Работевме три недели за ова, од првиот ден од подготовките се спремавме само за овој меч за Данска. Од оние индивидуални карактеристики па се до најситните детали за противникот. Морам да напоменам и тоа дека многу голем дел од договарањето за тимска одбрана го спроведувавме одлично и во двата дела од играта. Да удвојуваме на низок пост, удвојување, сите барани детали ги реализиравме. Нормално имавме и грешки, но верувам дека во деновите кои следуваат ќе ги поправиме. Со моите соработници ќе ги анализираме за што поподготвени да го дочекаме неделниот натпревар со Словачка”, изјави селекторот Александар Јончевски.
ФОТО: Игор Паневски