Ако оваа зима наместо гас за греење се користи мазут, ќе настане вистинска еколошка катастрофа.
И дел од експертската јавноста на иста линија со регулаторната комисија за енергетика. Велат , Градот Скопје во текот на зимата и онака е со висок степен на загаденост и ако дојде до ситуација да се користи овој енергенс тоа ќе биде страшно.
„Топланите се во населени места, а не надвор од градот. Околу топланата Запад во Тафталиџе има училишта, има деца, но и тука постојано има ветар и кога ќе испуштаат штетни материи , дирекно не само децата туку и целото населние ќе ги дишат. Исто е и со Топлната Исток која е во близина на Аеродром, но не се засеганти само жителите околу овие топланите туку ќе биде штетно за целото население. Затоа по секоја цена треба да се избегне мазутот за греење и да се користи гас, затоа што тоа ќе биде еколошка катастрофа“ – вели за Телма Ристо Цицонков, универзитетски професор
Вчера и од РКЕ апелираа до властите да се обезбеди гас за престојната грејна сезона и да не се користи мазутот поради тоа што е еколошки лош, а заштедите би биле мали.
Но планот на Владата е ако нема доволно гас, топланите да користат алтернативно гориво.
Од први август граѓаните ќе имаат и нова повисока цена на парното за 14,18 отсто.
Со ова зголемување од почетокот на годинава до сега парното е поскапено за речиси 30 отсто.
Допрва ќе се избира и компанија која ќе го земени БЕГ на која пред извесно време и беа одземени сите три лиценци.
Рокот е до крајот на септемрви да се најде нов снабдувач.
Тендерот уште не е објавен, но од владата уверуваат дека скопјани не треба да се грижат, испораката на топлинска енергија ќе почне на време.
Ирена Чачкова