Дел локални администрации ќе треба да наметнат ограничувања за користење на водата за пиење, затоа што многу се троши кога поединци со таа вода си ги полеваат градините, изјави романскиот министер за животна средина, води и шуми, Тањош Барна.Како што додаде министерот, кризен штаб на Владата ќе ги следи регионите засегнати од суша и ќе преземе дејствија во населените места каде има недостиг од питка вода.
Тој посочи дека водата што доаѓа до домовите е помината низ многу процеси како што се прочистување и филтрирање и затоа треба да се користи само за пиење барем во овие моменти кога има криза, односно недостаток на вода суша.
Исто така, ги повика земјоделците да не ги потпалуваат земјоделските површини затоа што опасноста од пожари е многу голема.