Македонската женска репрезентација не успеа да се пласира во полуфиналето на Европското првенство за кошаркарки до 20 години Б дивизија.
Вечерва нашата селекција беше совладана од Словенија со 63:36 и утре ќе се соочи со Германија во разигрувањето за пласман од петтото до осмото место.
Словенките доминираа во текот на целиот натпревар и освен во првите пет минути од првиот период, гостинките беа во постојана предност која на крајот изнесуваше 27 поени.
Единствена со двоцифрен број на поени во македонската репрезентација беше Матеја Николиќ која постигна 10, шест забележа Теона Поп Стојанова додека по четири впишаа Марија Димитриевиќ, Илина Селцова и Матеа Атанасовска.
Дуелот против Германија утре ќе се одигра во А1 арената Борис Трајковски и почнува во 14 часот и 15 минути.
ФОТО: Игор Паневски