Кошаркарската репрезентација на Македонија во претквалификациите за пласман на Европското првенство ќе се соочи со селекциите на Словачка, Данска и Норвешка.
На хартија, Македонија е фаворит за освојување на првата позиција, но за реализација на целта сигурно дека националниот тим во сите мечеви треба да настапи во комплетен состав.
“Словачка ни е многу добро познат противник бидејќи и во претходните претквалификации игравме со нив и имаме позитивен биланс. За Норвешка и Данска немам многу информации, но како што ќе доаѓаат натпреварите, ќе се подготвуваме за нив и ќе ги анализираме. Единствено посакувам ние да бидеме во што поголем број, односно комплетни да ги дочекаме дуелите што претстојат. Во таков случај верувам во позитивен исход и пласман во главните квалификации”, изјави за веб страницата на Кошаркарската федерација, Бојан Крстевски.
ФОТО: Игор Паневски