Во првата половина од викендот нè очекува пријатна временска состојба. Речиси насекаде ќе биде сончево со мала до умерена облачност. Ќе дува слаб до умерен, повремено и засилен југоисточен ветер. Температурата преку ден ќе се движи во интервал од 17 до 24°C.
Агропрогноза:
Временската состојба неделава, со утринска температура од 5 до14˚C и дневна од 13 до 23˚C, со променливо време и услови за појава на дожд, но не се очекуваат големи количества, сепак ќе бидат добредојдени за производителите на житни култури, каде недостатокот на влага особено се чувствува во површинскиот слој. Во оваа фаза на развој најголемиот процент од кореновиот систем се наоѓа токму во овој слој.
Потребите на вода во оваа фаза се најпотребни. Водата исто така е неопходна и за останатите култури иако има доволно влага во подлабоките слоеви од почвата, но заради интензивниот развој на растенијата има и поголема потреба на вода. Така врнежите во наредните денови ќе бидат добредојдени и за нив.
Во овој период кога ќе се создадат услови, треба да се искористи времето за заштита на растенијата од болести и штетници, но и плевели кај житните култури кои може да направат големи штети кај земјоделските култури. Почвената температура на длабочина од пет сантиметри се очекува да се движи од 15 до 22˚C.
Информација од утрово:
Минимална температура (во °C)
4 Берово, Маврови Анови, Лазарополе, 5 Попова Шапка, 6 Претор, Битола, 7 Крива Паланка, Тетово, Охрид, Струмица, 8 Скопје-Петровец, Прилеп, Дебар, Крушево, 9 Скопје-Зајчев Рид, Гевгелија, 10 Штип, Виница, Куманово, Дојран, 11 Демир Капија.
Температура на вода, измерена во 7.30 часот (во °C)
Охридско Езеро 12.0, Преспанско Езеро 13.0, Дојранско Езеро 18.6
Деталите во Телма МЕТЕО со Ирена Лазарова – Димитровска, во соработка со УХМР!
e-mail: [email protected]
https://www.instagram.com/telmameteo/