Наградената претстава од публиката на минатогодишниот Фестивал на монодрамата во Битола, ‘Избувливиот човек” , во режија на Перо Даниловски, вечерва ќе гостува во Македонскиот народен театар. Претставата е во продукција на НУЦК ” Бели мугри ” од Кочани, а доаѓа во МНТ во рамките на проектот „Гостувања во РСМ “, во чиј склоп се предвидени изведби во неколку градови низ државата.
Избувливиот човек” е црна комедија, монодрама, работена по расказ од Антон Павлович Чехов. Режисерот Перо Даниловски на привлечен и аморфен начин го доближува делото на големиот писател кое претставува и негова најголема книжевна отстапка, исчекор од стандардизираните карактери, потчинети на натуралистички порабената руралност. Но сепак, Николас ( во изведба на Ефтим Трајчов -Ѓаурски), е апсурден лик со природната номенклатура на колерик. Има своја цел, а тоа е дисертацијата за “кучешкиот данок”. Неговото внимание е одвлечено, но не и привлечено, од детинестата Варјенка, која се обидува да го набеди на неговата невозвратена љубов кон неа.
– Двослојната личност пак, Ефтим Ѓаурски ја владее како стих на химна и не само во типологијата на јунгова сенка и нејзината маска, туку и на лицето на актерот, во неговата интонација и телесно држење. Се чинеше како Ѓаурски навистина да дисертира на релацијата на меѓучовечките односи. Низ неговата мимика поминаа и ликот на мајката на Варјенка и ранетиот писател и разноцветните девојки, речиси како да се магентизираа за остроумно отсликаната глума. Ѓаурски наизменично менуваше поларитет, френетично и тактилно, така што успеваше да ја засмее публиката, но и да ја замисли, вели рецензентката Јована Матевска Атанасова.
– Двослојната личност пак, Ефтим Ѓаурски ја владее како стих на химна и не само во типологијата на јунгова сенка и нејзината маска, туку и на лицето на актерот, во неговата интонација и телесно држење. Се чинеше како Ѓаурски навистина да дисертира на релацијата на меѓучовечките односи. Низ неговата мимика поминаа и ликот на мајката на Варјенка и ранетиот писател и разноцветните девојки, речиси како да се магентизираа за остроумно отсликаната глума. Ѓаурски наизменично менуваше поларитет, френетично и тактилно, така што успеваше да ја засмее публиката, но и да ја замисли, вели рецензентката Јована Матевска Атанасова.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.