Лидерот на Западот, Феникс беше поуспешен од Лос Анџелес Лејкерс, а ЛеБрон Џејмс во поразот на својата екипа влезе во историјата на НБА.
Феникс триумфираше со 140:111, но овој дуел ќе се памети по рекордот на Џејмс кој стана првиот играч во историјата на лигата кој успеал да забележи преку 30.000 поени, 10.000 скока и 10.000 асистенции. Ѕвездата на Лејкерс мечот го заврши со 31 поен, седум освоени топки под обрачите и шест додавања.
Во победничкиот тим Девин Букер имаше учинок од 30 поени и 10 асистенции, Деандре Ајтон додаде 23 поении и 16 скока додека Мајкл Бриџис беше стрелец на 18 поени.
Мемфис ја совлада Оклахома со 125:118 и изби на второто место во Западната конференција. Дезмонд Бејн забележа 21 поен и осум освоени топки, Џа Морант впиша 17 поени и 10 асистенции, а Џерен Џексон постигна 18 поени.
На спротивната страна Шај Гилгаус Александер имаше учинок од 31 поен и седум додавања. а Дариус Бејзли стигна до 29 поени и 10 скока. Во останатите натпревари Атланта – Индијана 131:128 и Њу Орлеанс – Хјустон 130:105.