Рускиот претседател Владимир Путин ја призна независноста на сепаратистичките региони во источна Украина и го отвори патот да им се обезбеди воена поддршка – директен предизвик за Западот што ќе ги подгрее стравувањата дека Русија неминовно би можела да ја нападне Украина.
Соопштението дојде во време на пораст на престрелките во источните региони за кои западните сили веруваат дека Русија би можела да ги искористи како изговор за напад врз демократијата со западен изглед, која им пркоси на обидите на Москва да ја повлече назад во својата орбита.
Украинските сојузници и западните сили веднаш одговорија на понеделничката најава на Путин.
Генералниот секретар на НАТО Јенс Столтенберг ја обвини Москва дека создава изговор за нова инвазија.
„Москва продолжува да го разгорува конфликтот во источна Украина обезбедувајќи финансиска и воена поддршка за сепаратистите. Исто така, се обидува да измисли изговор за уште еднаш да ја нападне Украина“, рече Столтенберг.
„Ова го поткопува суверенитетот и територијалниот интегритет на Украина, ги еродира напорите за решавање на конфликтот и ги прекршува Минските договори, во кои Русија е страна“, додаде Столтенберг.
I condemn #Russia recognition of Donetsk/Luhansk in #Ukraine. It erodes efforts to resolve the conflict & violates Minsk agreements. #NATO supports Ukraine sovereignty & territorial integrity. We urge Moscow to stop fuelling conflict & choose diplomacy. https://t.co/H4yczPG8XM
— Jens Stoltenberg (@jensstoltenberg) February 21, 2022
Највисоките функционери на ЕУ го осудија руското признавање на сепаратистичките региони Луганск и Доњецк во источна Украина, нарекувајќи го потегот „еклатантно кршење на меѓународното право“.
Во заедничката изјава, претседателот на Европскиот совет, Шарл Мишел и шефицата на Европската комисија, Урсула фон дер Лајен, најостро ја осудија одлуката на рускиот претседател да продолжи со признавањето на Доњецк и Луганск од Украина како независни ентитети.
Тие рекоа и дека ЕУ ќе реагира со санкции против инволвираните во овој незаконски чин.
Мишел, фон дер Лајен, шефот за надворешна политика на ЕУ, Жозеп Борел, и претседателката на Европскиот парламент Роберта Мецола ја споделија истата порака на социјалните мрежи.
Признавањето на двете сепаратистички територии во Украина е очигледно кршење на меѓународното право, територијалниот интегритет на Украина и договорите од Минск, напишаа тие.
ЕУ и нејзините партнери ќе реагираат со единство, цврстина и одлучност во солидарност со Украина, додадоа лидерите на ЕУ.
Decision to recognise so called Donetsk & Luhansk people’s republics by #Russia is a flagrant violation of the international law and Ukraine’s territorial integrity. #Latvia condemns this act of aggression and calls for strong intl response. EU must impose sanctions immediately
— Edgars Rinkēvičs (@edgarsrinkevics) February 21, 2022
Европската унија мора да воведе санкции против Русија, порачаа владите на балтичките држави Естонија, Летонија и Литванија по соопштението на Русија.
Трите балтички држави, за разлика од Украина, се членки на НАТО и на Европската унија.
„ЕУ мора веднаш да воведе санкции“, напиша на Твитер летонскиот министер за надворешни работи Едгарс Ринкевичс.
„Останувам убеден дека таквиот тек на ескалација треба да биде исполнет со санкции“, напиша неговиот литвански колега Габриелиус Ландсбергис на Твитер.
Official recognition of Donetsk & Luhansk ‘republics’ proves a total contempt for international law & UN charters. RU must be recognised for what it is: a state outside international rules & civilised norms. I stay convinced such course of escalation should be met with sanctions
— Gabrielius Landsbergis (@GLandsbergis) February 21, 2022
Во заедничката изјава, Ринкевичс и претседателот на Латвија и премиерот ја повикаа меѓународната заедница „да преземе најсилни можни мерки за да ја запре руската агресија и да понуди помош за Украина“.
Исто така, претседателот на Естонија ја повика Европската унија да воведе санкции за, како што рече, „грубо и неоправдано газење на меѓународното право“.
Претседателот на парламентот на Литванија ќе поднесе парламентарна иницијатива за „никогаш да не се признае“ каква било промена на статусот на отцепениот регион, рече таа во понеделникот.
„Признавањето на сепаратистичките „републики“ од Доњецк и Луганск од страна на Русија е неподносливо кршење на меѓународното право.
Тоа значи и еднострано повлекување од договорите од Минск“, изјави литванскиот претседател Гитанас Науседа, осврнувајќи се на документите за прекин на огнот во Донбас.
Британскиот премиер Борис Џонсон остро го осуди руското признавање на сепаратистичките републики како „флагрантно кршење на суверенитетот и интегритетот на Украина“.
Тој го нарече „отфрлање на процесот во Минск и на договорите од Минск“.
Британската министерка за надворешни работи Лиз Трас рече дека потегот на Путин „сигнализира крај на процесот во Минск и е кршење на Повелбата на Обединетите нации.
„Нема да дозволиме кршењето на Русија на нејзините меѓународни обврски да остане неказнето“, напиша Трус на Твитер.
My statement condemning Russia’s recognition of the ‘Donetsk People’s Republic’ and ‘Luhansk People’s Republic’ as independent states 👇 pic.twitter.com/e0y3LNu29X
— Liz Truss (@trussliz) February 21, 2022
Претседателот Џо Бајден нареди нови санкции против сепаратистичките региони во источна Украина.
Администрацијата на Бајден ја нарече изјавата на Путин како „еклатантно кршење на меѓународните обврски на Русија“.
Санкциите ќе забранат нови инвестиции, трговија и финансирање во двата сепаратистички региони на Украина, признати од Путин.
Русија се откажува од своите ангажмани кон глобалната заедница, рече германската министерка за надворешни работи Аналена Баербок.
Подвлекувајќи дека Русија самата ги потпишала мировните договори од Минск во 2014 година, Баербок рече дека „со својата одлука Русија ги крши сите свои ветувања кон светската заедница“.
Die Anerkennung der separatistischen „Volksrepubliken” in der Ostukraine durch Präsident Putin macht jahrelange Bemühungen im Normandie-Format & der OSZE willentlich zunichte. Wir werden auf diesen Völkerrechtsbruch reagieren & stimmen uns mit Partnern ab. https://t.co/8uyLpb9WGF
— Außenministerin Annalena Baerbock (@ABaerbock) February 21, 2022
Францускиот претседател Емануел Макрон ја нарече одлуката на Русија напад врз територијалниот интегритет на Украина и повика на итен состанок на Советот за безбедност на ОН.
Макрон повика и на насочени европски санкции.
En reconnaissant les régions séparatistes de l’est de l’Ukraine, la Russie viole ses engagements et porte atteinte à la souveraineté de l’Ukraine. Je condamne cette décision. J’ai demandé une réunion d’urgence du Conseil de sécurité des Nations unies et des sanctions européennes.
— Emmanuel Macron (@EmmanuelMacron) February 21, 2022
Генералниот секретар на ОН Антонио Гутереш го критикуваше потегот на Русија како „кршење“ на суверенитетот на Киев.
„Генералниот секретар смета дека одлуката на Руската Федерација е повреда на територијалниот интегритет и суверенитет на Украина и не е во согласност со принципите на Повелбата на Обединетите нации“, се вели во соопштението.