Во 1921 година, во потрага по нов живот и остварување на американскиот сон, младата Полјачка Ева Цибулски и нејзината сестра од родната Полска, пловат кон Њујорк. Кога ќе пристигнат на островот Елис, лекарите ѝ велат дека сестра ѝ Магда е болна и ги разделуваат. Ева одеднаш се наоѓа сред безмилосните улици на Менхетен, а Магда во карантин. Сама и без никаква заштита, Ева станува лесен плен за шармантниот но подол Бруно, кој ја „зема под свое” и ја присилува на проституција. Ева се запознава со роднината на Бруно, Орландо, полетен илузионист, кој ѝ ги враќа самодовербата и надежта за подобра иднина, но, како пречка се јавува љубомората на Бруно. Ева е растргната меѓу двајца мажи.
Режија: Џејмс Греј,
Улоги: Марион Котијар, Хоакин Финикс, Џереми Ренер.