Вчера сопственикот на автопревозникот „Беса Транс“, Беким Хаџиу, на социјалната мрежа „Фејсбук“ објави статус во кој вели дека несреќата била тест од Алах и дека патниците му биле како фамилија, а во Истанбул биле заедно четири дена.
Овој статус го коментираше поранешниот пратеник, Павле Богоевски, дека несреќата е тест на нашите инспекциски, управни, царински и гранични служби.
,,Тоа што ме испровоцира е дека сопственикот на “Беса Транс” се обиде преку религијата да се ослободи од одговорност прикажувајќи ја несреќата како тест на Алах.
Мора да правиме разлика меѓу религиска одговорност и кривична одговорност односно државна одговорност која треба да биде утврдена од страна на државата, изјави за Топ Тема за Телма поранешниот пратеник Павле Богоевски.