Во клубот на пратениците, во тек се преговорите меѓу премиерот Зоран Заев и лидерот на Алтернатива,Африм Гаши за евентуалниот влез на оваа партија во владата.
Заев на разговорите пристигна со Димитар Ковачевски, кој по оставката на Заев од лидерската функција во СДСМ, ја најави својата кандидатура за преземање на претседателството во најголемата владеачка партија.
Заев по пристигнувањето во клубот на пратениците не даде изјава за новинарите, оценувајќи дека нема што да коментира пред разговорите. Тој и не ги коментираше информациите дека Алтернатива за влез во владата бара една вицепремиерско и две министерски функции.
Африм Гаши пак изјави дека за неговата партија не е најбитно колку минситерски места ќе добијат, колку што се значајни евроинтегративните процеси на земјата. Лидерот на Алтернатива порача и дека неговата партија не е за одржување брзи парламентарни избори.