Две деца на возраст од 2 и 5 години утрово се тешко повредени при судир на локомотива со автомобил на железнички премин во близина на училиштето „Коле Канински“ во Битола, на неколку стотини метри од Железничката станица во Битола. Двете деца се хоспиталзирани во Битолската болница, а за едното, кое е во потешка состојба, се подготвува транспорт за Клиниките во Скопје. Нивната мајка која управувала со автомобил марка пежо минала со лесни повреди но не е хоспиталзирана.
Од полицијата велат дека несреќата кај нив е пријавена во 8 часот, кога работна машина која се движела по пругатата во насока кон Железничката станица во Битола удрила во возило. Од таму засега нема официјални информации како дошло до несреќата, но се се претпосотавува дека мајката со возилото во кое беа и двете деца, минала на спуштена рампа на железничкиот премин кај населбата Боримечак во Битола. Потоа автомобилот бил влечен од локомотивата неколку метри,а бетонскиот столб на кој е поставена едната рампата е урнат
Овој премин денeска работи само со една рампа, па возовите, локомотивите и други работни машини кои се движат по пругата, запираат на преминот, вработените го регулираат сообраќајот, за да се избегнат вакви несреќи.
Емилија Мисирлиевски
