Иако фејсбукот се поврзува главно со помладата и средната генерација, секако има и луѓе кои и во староста си имаат сопствени профили.
Во случајот станува збор за 77-годишен старец, кој преку својот ФБ профил коментирал медиумски објави за политичар. По пријавата е утврдено дека дедото од Кичево всушност со заканите извршил потешко кривично компјутерско дело. Настанот се случил последниот ден од август.
Во кривичниот законик за делото „Ширење на расистички и ксенофобичен материјал по пат на компјутерски систем“ за што е обвинет „фејсбук-дедото“ казната воопшто не е наивна и е определена од минимум една до 5 години затвор.
Еве што соопшти МВР:
ОВР Кичево поднесе кривична пријава против Б.Н.(77) од Кичево, поради постоење основи на сомнение за сторено кривично дело „ширење расистички и ксенофобичен материјал по пат на компјутерски систем“. Тој, на 31.08.2021 од својот Фејсбук профил на електронски медиум објавил коментар со кој во јавност промовирал и поттикнал омраза.