79 кандидати утринава навремено пристигнаа во средното уметничко училиште „Лазар Личеноски“ да го полагаат приемниот испит.
Во училишниот двор во исчекување беа нивните родители.
И покрај неизвесноста дали ќе бидат примени, се соочија со уште една нова ситуација дали има Комисија за истиот испит, затоа што претходно формираната петчлена комисија не беше таму со образложение: директорот Фидановски го крши законот бидејќи е празник и неработен ден.
“Двајца од нив ме информираа и поради кои причини, останатите тројца воопшто не ме ни информираа претпоставувам дека согласно законот и правилата ќе се преземат одредени мерки.
-Вие ги информиравте навремено ?
-Да, уште на 2 јуни тие ги добија решенијата за да знаат кои им се работните задачи. Денеска сабајле формирав заменска комисија и денес сите се тука на своето работно место”
Според Филиповски, кој е воедно и член на комисијата која утринава не дојде на своето работно место ваквиот проблем е поради немање координација меѓу Министерството за образование и наука и актуелниот директор Фидановски.
Без оглед што крајниот рок е 21 јуни кога се објавуваат резултатите, државата има закони и тие закони треба да се почитуваат, вели Филиповски.
“Знаете како 21 јуни е до 23:59 минути. Директорот доколку имаше капацитет можеше да го закаже приемниот испит наместо на Задушница во петок, во понеделник на 21 јуни и да си останат тие комисии кои ќе работат малку подоцна и кон крајот на денот да ги објават резултатите. Но со ваков диктаторски став, според негови лични вкусови поништува празник кој што е верски, само затоа што нему не му се допаѓа или он е друга структура, не може” – изјави за Телма Димитар Филиповски, професор во ДСУЛУД “Лазар Личеноски”.
Според Министерството за образование и наука секое училиштето е надлежно за организација и спроведување на приемниот испит.
Во меѓувреме средното уметничко училиште „Лазар Личеноски“ е единствено во земјава кое запишувањето на ученици го реализираше со апликација и онлајн без физичко присуство поради пандемијата и пропишаните протоколи, вели Фидановски.
Нина Стефанова