Премиерот Зоран Заев, придружуван од вицепремиерот за европски прашања Никола Димитров и од министерот за надворешни работи Бујар Османи, денеска престојува во работна посета на Софија.
Првата средба на премиерот беше со со раководството на ГЕРБ и Бојко Борисов.
-Разговаравме дека многу е важно да овозможиме младите генерации да имаат дијалог и разбирање. Не смееме да дозволиме младите да ни се замразат, напиша Заев на Твитер.
Борисов се согласи дека треба да се формира форум на млади за соработка меѓу двете држави за да не се мразат во иднина, но сепак смета дека денешните средби на Заев ќе бидат без резултат, затоа што нема Парламент во Бугарија, а без Парламент не може ништо. Додаде дека притисок кај Бугарите не поминува, но се пофали дека без неговата влада немало да има ниту Преспански договор и перспектива на Западен Балкан во ЕУ.
Заев му се заблагодари нему и на министерката за надворешни Захариева за приближувањето кон ЕУ и за разговорите кои ги водел со поранешниот грчки премиер Ципрас во Софија.
Инаку, доцна синоќа и бугарското МНР преку соопштение ја потврди изјавата на техничкиот премиер Јанев дека идната недела нема да даде зелено светло за Македонија за старт на преговорите со ЕУ.