ВМРО-ДПМНЕ го повика претседателот на Комисијата за избори и именувања Костадин Костадинов да свика седница на која ќе се утврди предлог листа за тројца уставни судии. Нема да дозволат да се врши негова партизација преку избор на генералниот секретар Цветанка Иванова и адвокатот Васко Талевски. За ова преку писмо ја зивестиле и делегацијата на ЕУ.
Претседателот на комисијата Костадин Костадинов вели дека не се дадени предлози за уставни судии, а имињата на кандидатите се шпекулација.
Со цел во иднина да не сѐ случува ваков сличен вакум во работата на Уставниот суд, Хелсиншкиот комитет за човекови права неодамна достави иницијатива до Министерството за правда за донесување Закон за постапката и условите за избор на уставни судии. Доколку не почне постапката за правно уредување, комитетот предупредува дека прашањето ќе остане неуредено и во следните 7 години.
Јулијана Пешевска
