Поради новововедените задолжителни офталмолошки прегледи за сите дечиња кои запишуваат прво одделение и зголемената потреба од прегледи, болницата во Куманово успеа да искреира амбуланта за системот Мој термин.
Амбулантата во мој термин е со назив „Офталмолошка амбуланта за деца“, објави болницата на својот ФБ профил и наведе дека системот почнува да функционира од 2-ри јуни, а преку него матичните лекари и педијатри ќе ги упатуваат за преглед дечињата кои треба да се запишат на училиште.
Иако документите за прегледот се бараат уште при упис, поради големата потреба и гужва во очните амбуланти, рокот е продолжен.
-Превентивните офталмолошки прегледи за деца ќе се вршат до 31.09.2021 година. Не барајте само потврди, дечињата треба да бидат прегледани,за да благовремено се реагира доколку постои рефрактерна аномалија или друг офталмолошки проблем, извсети директорката на кумановската болница Снежана Захариева.
